Ég óska "hófsama" ríkiskirkjufólkinu til hamingju með Hönnu Birnu og þá sem styðja hana í þessu máli. Þetta er ykkar fólk, þið eigið það skuldlaust.

Baráttan fyrir trúboði í skólum skilar sér í þessu. Þið hafið verið svo upptekin við að andmæla "öfgafólkinu" í Vantrú og Siðmennt að þið hafið ekki áttað ykkur á að það er eðlilegt að andmæla trúboði í leik- og grunnskólum. Þið verðið að eiga það við ykkur hvort þið eruð stolt af uppskerunni. Er þetta ykkar framtíðarsýn?

Ég óska "hófsömum" Sjálfstæðismönnum líka til hamingju með að styðja alvöru kristilegan repúblikanaflokk - tepokahreyfingu. Þetta er ykkar fólk.

Vinstri menn skulu samt halda aftur af sér, þið eigið ykkar Ögmund.

ps. Þetta snýst ekkert um kennslu um kristni og önnur trúarbrögð. Í dag fer töluverður tími skólastarfs í að kenna krökkunum um trúarbrögð, fyrst og fremst kristni. Umræðan snýst einungis um það hvort trúfélög eigi að fá að boða trú sína í skólum landsins.