Ein áhugaverðasta hliðin á verðtryggingarumræðunni er fáfræði-afsökunin. Fólk var ekki nógu upplýst, það vissi ekki hvað það var að semja um. Það skyldi ekki að verðtryggð lán hækka. Það var platað af vondu bönkunum.

Eins og íslendingar þekki verðbólgu og verðtryggingu ekki sæmilega vel.

Sama gerðist með erlendu lánin. Hvernig átti allt þetta blessaða fólk að vita að krónan gæti hrunið og lánin hækkað? Það var platað til að taka þannig lán (en gerði svo grín að kjánunum með verðtryggðu lánin sem sem hækkuðu í takt við verðbólgu).

Þegar hentar er í tísku að gera sér og flestum öðrum upp gríðarlega fáfræði.

Auðvitað er hellingur af fáfróðu fólki til og sumt í kringum verðtryggingu er ekki augljóst en ég efast um að það eigi við alla þá sem ekkert þykjast skilja þegar skilningsleysi hentar betur.