Mér finnst iðulega gleymast í umræðunni um að Spotify greiði tónlistarfólki ekki nóg, að neytendur eru líka að borga, í gegnum Spotify, fyrir aðgang að tónlist sem þeir eiga nú þegar á plötu, geisladisk eða öðru sniði og hafa greitt fyrir fullu verði. Ég giska á að um helmingurinn af því sem ég hlusta á á Spotify eigi ég á geisladisk og hafi greitt fyrir. Það gildir t.d. um metal-hlaupalistann minn sem ég hlusta mikið á í ræktinni, þar eru tvö lög sem ég á ekki á geisladisk. Svo keypti ég megnið af því sem ég hef hlustað á með Sun Kil Moon á tónleikunum um daginn, þar var tímaröðin vissulega önnur en ég held það eigi líka eftir að verða algengara, fólk kynnist tónlist á Spotify og borgar sig svo inn á tónleika (og borgar miklu meira en fyrir plötu) og verslar þar plötur og aðra muni.

Ég hef á tilfinningunni að "tónlistarbransinn" vilji að ég sé sífellt að borga fyrir sama hlutinn, kaupi plötu á vínil, CD og svo stafrænt og borgi einnig sérstaklega fyrir streymið.

Annars er ég í dag að borga fyrir tvo aðganga að Spotify eftir að fjölskylduafslátturinn kom til sögunnar, þar sem maður fær 50% afslátt af öðrum aðgangi á sama reikning.