Einn galli við að byrja í heilsuátaki strax eftir áramót er að flestir eru enn að jafna sig á ofáti og sukki hátíðanna. Það er ekki einfalt eða sjálfsagt að fara beint úr ofáti í naumhyggju-mataræði, líkaminn er fljótur að venjast því sem í hann er látið og lítur á sukkið sem eðlilegt ástand. Ég hvet ykkur því til að fara rólega í átakið, gerið þetta af skynsemi og takið mataræðið föstum tökum eftir nokkra daga. Fyrsta skref er bara að hætta sukkinu. Ekki byrja að borða miðað við að þið léttist um hálft kíló á viku, miðið mataræðið fyrstu dagana við að þið þyngist ekki.

Það sama gildir reyndar um ræktina, ef þið hafið ekki verið í ræktinni undanfarið, byrjið þokkalega rólega. Ekki fara í erfiðustu tímana eða lyfta of þungu. Það er ávísun á meiðsli, ofþreytu og uppgjöf.