Ríkiskirkjan kvartar iðulega undan því að hana skorti pening. Samt auglýsir hún frekar mikið og víða, í blöðum, útvarpi og á veggspjöldum. Á Facebook birtast stundum auglýsingar frá kirkjunni. Hér eru tvö skjáskot sem ég tók með símanum af Facebook straumnum mínum, þá seinni í dag en hina fyrir einhverjum vikum.

Voðalega er Árni alvarlegur, ætli hann hafi verið brjálaður?

Það er eflaust tilviljun að þessar tvær síðustu auglýsingar sem ég hef rekist á frá kirkjunni á Facebook vísa á greinar presthjónanna Árna og Kristínar. Árni Svanur er vefprestur kirkjunnar en hann fer varla að hampa greinum þeirra hjóna frekar en annarra. Ég verð að játa að ég heimsæki Facebook vegg kirkjunnar afskaplega sjaldan en ætla að reyna að muna að taka alltaf skjáskot héðan í frá þegar ég rekst á svona auglýsingar.

Það er gott að sjá að fjárvana ríkiskirkja hefur efni á að setja fé í auglýsingar á Facebook. Félagið Vantrú, sem hefur aldrei kvartað undan því að fá ekki fjármagn frá skattgreiðendum, eyðir ekki krónu í auglýsingar á Facebook.