10 stoppa ND filter kostar 20 þúsund krónur eða svo. Logsuðugler kostar 200 krónur og póstkort og svart teip átti ég til.

Gæðin eru svosem ekkert til að hrópa húrra fyrir en þetta virkar og ég get líka skrúfað linsuhúddið af og horft í gegn um það þegar ég er ekki að taka myndir.

Sólin braust fram í eina mínútu þannig að ég hafði ekki mikinn tíma til að prófa en gat staðfest að hún sést í gegn um þetta. Myndavélin stillt á DX til að nota bara miðjuna á skynjara og linsan á 200mm.

Farið varlega í að beina myndavélum að sólinni án þess að vera með dökkan ND filter eða rafsuðugler framan á linsunni. Jafnvel þó þið séuð ekki að taka mynd getur slíkt skemmt vélina, sólarljósið fer jú inn í speglaboxið og getur myndað mikinn hita.

Ég ætla að einbeita mér að því að horfa á þetta á morgun ef skýjafar leyfir en það væri gaman að ná einhverjum myndum, 200mm duga þó skammt.