Fyrir nokkrum mánuðum hafði ég aldrei hlustað á The Vintage Caravan en í undirbúningi fyrir Eistnaflug féll ég fyrir þeim.

Þegar ég sá á Facebook að þeir myndu spila á Dillon var ég harðákveðinn í að sjá þá þar. Efri hæðin á Dillon er auðvitað pínkulítill tónleikastaður og stemmingin allt önnur en í íþróttahúsinu á Neskaupsstað - en The Vintage Caravan voru frábærir. Ég veit ekki alveg hvort þeir spiluðu nákvæmlega sama sett en það gæti verið, enduðu á Expand your mind á báðum tónleikum. Smá örðugleikar komu upp, sem var bara fínt, og það var ansi heitt á efri hæðinni - það má ekki hafa opna glugga meðan tónleikar eru í gangi til að trufla ekki nágranna. Ég var þó ekki að hamast, ólíkt hljómsveitinni sem var á fullu allan tímann. Það var sveitt. Stemmingin var flott, tónlistin geðveik og bandið í miklu stuði - hrikalega gaman að sjá þá spila. Eina sem ég saknaði voru kjólarnir frá Eistnaflugi!

Fólk sem fílar "klassíska" rokktónlist á að hlusta á The Vintage Caravan, þetta er frábær hljómsveit. Gyða skemmti sér vel og hefur þó ekkert hlustað á þá og er ekkert rosalega mikill rokkari.