Hér eru fimm youtube rásir sem mér finnst ansi góðar.

• Athlean X: Jeff Cavaliere er sjúkraþjálfari sem hefur unnið mikið með íþróttafólki. Hann er upptekinn af því að sýna réttu aðferðirnar við að gera æfingar og hvaða æfingum á að sleppa til að minnka líkur á meiðslum. Er duglegur að útskýra nákvæmlega hvaða vöðva er verið að vinna með hverju sinni og af hverju þarf stundum að gera fleiri en eina æfingu fyrir vöðvahópa.
• Jeff Nippard: Jeff er vaxtaræktarstubbur sem fjallar mikið um vísindarannsóknir og dregur saman það helsta. Technique tuesday serían hans þessa dagana er mjög góð, þar sem hann fer yfir helstu æfingar og hvernig á að gera þær rétt og svo er hann með góða seríu um "myth busting".
• Omar Isuf: Omar skiptir milli kraftlyftinga og vaxtaræktar. Hefur fjallað töluvert um helstu æfingarnar en er líka dálítið fyndinn og með ýmsar pælingar um líkamsræktarbransann.
• Alan Thrall: Alan stundar kraftlyftingar og keppir í strongman. Fer yfir helstu æfingar og hefur þróast dálítið gegnum árin, er ekki hræddur við að leiðrétta sjálfan sig. Spilar gjarnan þungarokk! Mér finnst hann vera með mjög góð ráð fyrir hnébeygjur og réttstöðulyftur.
• Brian Alsruhe: Brian keppir í Strongman og er með mikið í fínum ráðum varðandi æfingar, bæði stóru æfingarnar en líka minni (accessory) æfingar. Oft ansi fyndinn og svo má sjá íslenska fánann í bakgrunni í einhverjum myndböndum!

Svona youtube rásir koma ekki í staðin fyrir (góða) einkaþjálfara, en það er hægt að læra helling af þeim. Gott að stúdera t.d. stóru æfingarnar vel og hafa ráðin í huga þegar maður gerir þær í ræktinni.

Hér er glænýtt myndband frá einum sem ekki komst á listann (enda bara gaur að ranta!), þar sem bjánum eins og mér er bent á að ræktin snýst ekki um að bæta alltaf metið í stakri lyftu heldur lífstíl og heilbrigði.