Fylgir óörugg rafmagnskló með Chromecast frá Elkó?

chromecast rafmagns millistykki — Breska klóin er í pakkanum, millistykki var límt utan á hann.

Keypti Google Chromecast¹ í Elkó í dag (7195kr) og er búinn að tengja. Ég tengi Chromecast við USB tengi í sjónvarpinu og þarf því ekki að tengja við rafmagn en í pakkanum fylgir bresk kló. Elkó augljóslega að selja Chromecast sem átti að fara á markað í Bretlandi. Þar sem klóin virkar ekki hér er búið að líma millistykki utan á pakkana.

Ég var nú ekker að spá sérstaklega í þessa hluti fyrst ég nota þá ekki, en fyrir rælni sá ég að á millistykkinu stendur "TEMPORARY USE ONLY" sem ég skil þannig að þetta sé ekki hugsað fyrir langtíma notkun.

Google Chromecast er einmitt tæki sem fólk setur í samband og skilur eftir í gangi. Akkúrat öfugt við "TEMPORARY USE". Ég velti því fyrir mér hvort þetta sé ekki frekar vafsamt hjá Elkó. Finnst það líta þannig út.

¹ Hér hefði ég vísað á Chromecast síðu Google ef það fyrirtæki væri búið að uppgötva Ísland! Á síðunni fær maður bara upplýsingar um að þetta sé ekki í boði hér! Ég keypti ekki Ultra útgáfuna þar sem ég er ekki með 4k sjónvarp.

10.08.2019 14:00 græjur

Athugasemdir

Matti - 16/08/19 19:33 #

Elkó svaraði á Twitter:

Við sáum tístið og rannsökuðum þetta í samvinnu við birgjann sem staðfestir að notkun á þessum tengjum í þessum tilgangi sé örugg. Áletrunin er lagalegs eðlis til að tryggja að þau séu ekki notuð í varanlegar raflagnir (t.d í dósir í veggjum) sem fellur þá í annan lagaflokk.