Áhættuhegðun og ærandi fuglasöngur

Funglasöngurinn var ærandi við Fellaskóla

Heimavinna í dag, í tölvuherberginu fyrir hádegi og stofunni seinnipartinn. Rölti í ræktina í hádeginu og hitti fugla við Fellaskóla. Það var dálítið að gera þegar ég kom í ræktina rétt fyrir eitt en mjög rólegt þegar ég hætti um tvö. Fólk er duglegra að þrífa eftir sig en þó ekki allir. Ég held að World Class þurfi að vera með starfsfólk inni í sal að neyða skussana til að taka upp tusku og sótthreinsandi! Ég mætti í íþróttafötum í dag og fór í sturtu heima. Göngutúrinn í ræktina og til baka, rétt rúmur km hvora leið, er líka ómissandi. Mæli með göngutúrum.

Er það óþarfa áhættuhegðun að fara í ræktina? Hugsanlega, kannski ætti ég að halda mig heima. Það myndi reyndar örugglega leggjast dálítið þungt á mig andlega.

Af og til finnst mér ég vera slappur og hugsa þá hvort ég sé kominn með veiruna. Ég held að flestir hljóti að upplifa það sama.

Ég tók 5x5x60kg í overhead press (nema síðasta sett var 4x). Ég er ánægður með að bæta mig þar, er held ég aumari en ég ætti að vera í þessari æfingu, t.d. ef miðað er við bekkpressu. Annars var ég svo lengi að taka hnébeygjur og pressu að ég gerði lítið annað í dag.

ræktin — Það lítur bara miklu betur út að geta tekið 60kg í overhead press!

Mikið finnst mér það undarleg árátta að spá í hvort sóttvarnalæknir hafi sagt eitthvað rétt eða rangt á upplýsingafundi fyrir þremur vikum í ljósi þess að það er fundur daglega og sífellt verið að upplýsa fólk um stöðuna. Að sjálfsögðu breytist það sem þau vita, það væri stórkostlegt kraftaverk ef hægt væri að spá fyrir um allt fyrirfram í þessu ástandi. En ég nenni ekki að tuða um þetta :-)

19.03.2020 17:50 dagbók

Athugasemdir