Páskar komu og fóru. Ferðuðumst innanhúss, borðuðum mikið af góðum mat. Tengdaforeldar mínir buðu í mat á föstudaginn langa, pöntuðu mat frá Matarkjallaranum og sendu heim til okkar. Hittum ættingja á fjarfundum.

Ég kláraði DOOM 2016 aftur og hef gefið mér leyfi til að kaupa DOOM Eternal en ekki enn látið verða af því.

Sáum loksins Joker um daginn. Góð mynd, flott tónlist. Kom mér á óvart að lykilsenur voru miklu styttri en ég bjóst við af bútum sem ég hafði séð. Þ.e. dansatriðin á klósetti og í tröppum. Helgast auðvitað af því að umfjöllunin sem ég sá snerist um tónlinstina fyrst og fremst.

Pöntuðum mat frá Brewdog síðasta föstudag. Blómkálið þeirra er alveg sérlega gott. Á laugardag eldaði ég andalæri og franskar.

Síðasta skóladagur í MR hjá Ingu Maríu í dag. Próf framundan og útskrift í kjölfarið. Í tilefni dagsins klæddum við okkur upp enda hefð að nemendur mæti prúðbúnir í skólann síðasta daginn og þar sem skólinn er heima tókum við þátt.

Hef tvisvar farið á skrifstofuna og unnið. Ágæt tilbreyting að fara annað og vinna þó félagskapinn vanti að mestu. Ágætt samt að rölta í Smáralind og sjá dálítið mannlíf.