Leikskólakynning
Við hjónin fórum í kynningu hjá leikskólanum sem Kolbrún fer í næsta haust. Ekki var mætingin á þessa kynningu neitt til að hrópa húrra fyrir. Foreldrar þriggja barna mættu, þar með talinn einn pabbinn sem mætti 20 mínútum of seint. Þetta var náttúrulega frekar leiðinlegt í ljósi þess að þær voru þarna fimm frá leikskólanum auk einnar frá foreldrafélaginu. Kynningin var svo ágæt, en fjandinn hafi það, maður vill vita hvernig hlutum er háttað þar sem börnin manns munu eyða stórum hluta næstu ára. Ég skil bara ekkert í þessum foreldrum sem ekki létu sjá sig.

Hver þykist ég eiginlega vera :)