Sýslað
Í dag:
- Skutlaði ég bókargjöf frá Vantrú til sköpunarsinna nokkurs sem hefur töluvert tjáð sig á síðunni. Við gáfum honum áritað eintak af The Blind Watchmaker eftir Richard Dawkins. Hitti sköpunarsinnann því miður ekki en skyldi bókina eftir í móttöku og tók við gjöf á móti.
- Kom við í Símanum Ármúla og sótti gjafakort, flugferð fyrir tvo innanlands, fram og til baka. Hef reyndar ekki mjög mikið við það að gera og gjafakortið rennur út í nóvember. Vill einhver kaupa flugferð?
- Skellti ég mér í klippingu, 9mm með vél.
- Fór í Eymundsson og keypti The End of Faith eftir Sam Harris. (1650.-) Byrjaði í miðbænum en bókin var uppseld þar, fékk uppgefið að eitt eintak væri í Eymundsson í Kringlunni þannig að ég brunaði þangað. Mér skilst að það sé eitt eintak af bókinni í Hafnafirði og svo nokkur í fríhöfninni.
- Kíkti á World Press Photo í leiðinni en hafði ekki mikinn tíma því ég þurfti að sækja stelpurnar af leikjanámskeiði.
- Datt þessi server af netinu í um 40 mínútur vegna þess að vinnustaðurinn missti netsamband.
Birgir Baldursson - 18/07/06 17:36 #
Sköpunarsinninn þarf líka endilega að eignast eintak af bókinni The Ancestor's Tale. Byrjaði á henni í nótt og hún er heillandi ferðalag tegundanna í átt að upprunanum, gegnum 40 „ættarmót“.
Snæbjörn Guðmundsson - 18/07/06 18:59 #
Ég skal kaupa þessa flugferð af þér, þarf líklegast að fljúga fram og til baka til Egilsstaða í ágúst.
Jón Arnar - 19/07/06 13:52 #
Kom við í Hafnarfirði í hádeginu og reyndi að kaupa End of Faith. Hún reyndist vera týnd í þessum 80 fermetrum, og þarf að panta hana frá Leifsstöð. Bara svo menn séu ekki að gera sér óþarfa ferð í fjörðinn..
Jón Arnar - 19/07/06 15:22 #
Jú, hún á að vera þarna einhverstaðar. En ensku bækurnar eru í tveimur bókahillum og þegar þær voru komnar þrjár afgreiðslustúlkurnar að stara á hilluna án þess að finna bókina undir H-fyrir-Harris gafst ég bara upp, pantaði hana frá flugvellinum og fór út í sólina :-)