Á hverjum föstudegi er dregið úr nöfnum í bekknum hennar Kollu til að velja hver fær að taka bangsann Óliver heim þá helgina. Þessa helgina var komið að Kollu og hún var afskaplega ánægð með það. Það er búið að vera aðalmálið síðustu vikur hvenær hún fái eiginlega að taka þennan bangsa með heim.

Bangsinn kemur í tösku og með honum fylgir bók. Í bókina á hvert barn að skrifa helgardagbók fyrir Óliver þar sem fram kemur hvað hann gerði þá helgina. Við skrifuðum þetta saman í kvöld og skelltum svo myndinni sem fylgir færslunni með í stærðinni 18x13cm. Það var forvitnilegt að lesa það sem aðrir krakkar höfðu sett inn, smá sýnishorn inn í þeirra tilveru. Þetta er afar vel heppnað hjá skólanum. Ég veit ekki hvort þetta er hjá öllum bekkjum eða bara hennar, Gyða veit það kannski.

Þetta var reyndar tíðindalítil helgi hjá Óliver.