Bekkur og norðurljós
Sævar Helgi - 10/02/07 14:53 #
Flott mynd. Þú nærð ekki bara norðurljósunum heldur líka heilli vetrarbraut á myndina. Andrómeduvetrarbrautin er þokukennda stjarnan þarna á myndinni.
Matti - 10/02/07 18:02 #
Já, vetrarbrautin var greinileg með berum augum, en ég vissi ekkert hvaða vetrarbraut þetta var :-)
Það er svo gríðarlega stjörnubjart hér við sumarbústaðinn að það er engu líkt. Ég held við þurfum að fara að fjárfesta í stjörnusjónauka og læra eitthvað um himingeiminn.
Ég ætla aftur út í kvöld og prófa að taka stjörnu- og norðurljósamyndir.
Sverrir Guðmundsssib - 11/02/07 12:52 #
Ekki nóg með að Andrómeduvetrarbrautin sé inni á myndinni heldur sýnist mér stjörnurnar sem liggja í línu frá henni vísa nokkurn veginn á Þríhyrningsvetrarbrautina (M33)!
Sævar Helgi - 11/02/07 14:04 #
Já, ég sé hana núna. Þær eru ótrúlega greinilegar á þessari mynd hjá þér, jafnvel þótt norðurljósin skyggi aðeins á þær.
Matti - 11/02/07 20:28 #
Hér er stærri útgáfa af efri hluta myndarinnar, samt ekki í upprunalegri stærð, sem er um tvöfalt stærri en þetta.
Sævar Helgi - 12/02/07 10:29 #
Þríhyrningsvetrarbrautin (M33) sést vel á þessari mynd, svona ca. kl. 7 stefnu frá Andrómeduvetrarbrautinni. Hún er daufari en sýnileg sem lítill og daufur þokublettur á myndinni.
Frábærlega heppnuð mynd hjá þér. Með svona góðar aðstæður ættir þú auðvitað að fá þér sæmilegan sjónauka. Þú veist hvar þeir fást!