Ég lagði seinna af stað í norðurljósaferð en ég hafði planað, leikur kvöldsins fór í framlengingu og endaði illa.

Ég átti erfitt með að ákveða hvert halda skyldi. Ók af stað Suðulandsveg, stoppaði við afleggjara þegar ég var rétt kominn úr borginni og tók nokkrar myndir. Hélt svo áfram og ákvað að fara Bláfjallahringinn. Stoppaði af og til og tók myndir.

Var að spá í að skjótast í Krísuvík þegar ég kom að gatnamótunum en klukkan var orðin hálf eitt og ég hélt heim á leið.

Á eftir að fara í gegnum myndirnar. Við fyrstu skoðun sýnist mér þessi hér til hliðar vera skárst. Notaði 20-35 2.8 linsuna, á 2.8 og manual fókus út í buskann (infinity), var með iso 3200 og 6400, hraða 1-3 sek.