Mikið óskaplega var þetta fínn letidagur, við gerðum næstum því ekki neitt. Inga María fór út með vinkonu sinni en Kolla dundaði sér heima. Áróra var í bústað í nótt og kom heim í dag. Gyða og ég dunduðum okkur fram eftir degi, ég leysti súdókur í nokkra tíma í psp tölvunni, Gyða spilaði Sims.

Dundaði mér við að vinna fleiri balletmyndir eftir að hafa sett myndvinnsluna upp á tölvunni í sjónvarpsstofunni.

Kíktum á grill fyrir bústaðinn í Húsasmiðjunni og versluðum í matinn í Bónus. Komum svo heim og funduðum með nágrönnum okkar um viðgerðir á húsinu. Nú er það mál loks komið í farveg og við getum farið að sólunda sparnaðinum í framkvæmdir.