Örvitinn

Prósentureikningur og peningabrennur

brenna

Ímyndum okkur að við höfum tvo jafnstóra peningabunka sem hvor um sig inniheldur hundrað milljarða.

Segjum svo að það kvikni í peningunum vegna þess að einhverjir fávitar voru að leika sér með þá nálægt brennu. Annar bunkinn brennur meira en hinn, fuðrar eiginlega allur upp - að lokum tekst bara að bjarga 10% af honum. Hinn bunkinn brennur líka en miklu minna, 90% af honum er óbrunninn þegar búið er að slökkva bálið.

Hvað eigum við mikið eftir af peningum - 10%, 50% 90%?

Merkilegt hvað þetta flækist fyrir fólki.

Athugasemdir

Ketill - 15/03/10 14:30 #

Ég skil dæmið en ekki við hvað ég á að tengja þetta :)

Matti - 15/03/10 14:32 #

Það eru ótrúlega margir sem halda að í þessu dæmi eigum við miklu meira en helming af peningunum eftir. Þú mátt tengja þetta við hvað sem er :-)

Arngrímur - 15/03/10 18:19 #

Ég tek undir með Katli og bæti við að mér hálfleiðast dylgjur. Það gagnast meira að fá amk eitt dæmi ...

Matti - 15/03/10 18:24 #

Þetta eru ekki dylgjur, þær eru sérstaklega merktar á þessu bloggi.

Dæmi get ég ekki tekið, eðli málsins vegna.

Halli - 15/03/10 23:03 #

Þú átt 10% eftir í einni hrúgunni, 10 ma. Svekkjandi.

90% af hinni eru heil, 90 ma. Samtals heldur þú þannig 50% af heildarfjárhæðinni, 200 mö.

En svo til að gæta sanngirni, þá kveikir þú aftur í 90% hrúgunni, þangað til 50% er eftir af henni.

Þá áttu 10% af 100 mö. + 50% af 100 mö. Það er fullt af fólki hér í bæ sem getur lagt þessar tölur saman og fengið aftur út 50% af heildarfjárhæðinni.

Þetta fólk er ekki fast í einhverjum Excel útreikningum.

Matti - 16/03/10 16:58 #

Já, það er nefnilega merkilegt hvernig fólk virðist ofmeta heildarsummuna - fattar ekki að mismikið hefur brunnið úr bunkunum.

Einar Jón - 19/03/10 05:46 #

Þetta fer náttúrulega allt eftir því hvora hrúguna "við" eigum.

10% hrúgan er að sjálfsögðu bara fyrir ógæfumenn og öryrkja, óháð því hvernig skiptingin var fyrir brunann.

Matti - 19/03/10 07:37 #

"Við" eigum þær báðar.