Retro Stefson þá og nú á Menningarnótt
Menningarnótt 2007 fórum við og horfðum á Retro Stefson í Hljómskálagarðinum. Það var fámennt en góðmennt á þeim tónleikum. Við fórum til að sjá Tóta frænda spila.
Ári seinna sáum við hljómsveitina á Ingólfstorgi, áhorfendur voru töluvert fleiri í það skipti og Þórður var flottur.
2009 spilaði Retro meðal annars í bakgarði við Ingólfsstræti.
2010 horfðum við á þau spila á Óðinstorgi, þar voru fjölmargir áhorfendur.
Í fyrra vorum við ekki í borginni á Menningarnótt. Í gærkvöldi sátum við á Arnarhóli og horfðum á hljómsveitina. Það voru örlítið fleiri áhorfendur en í Hljómskálagarðinum árið 2007.
Ég þarf að fara í gegnum myndasafnið og sjá hvort ég eigi ekki myndir af öllum tónelikunum þar sem sést í áhorfendur. Nenni því ekki núna, valdi bara myndir sem ég hafði sett á vefinn hverju sinni.