Stelpurnar
Inga María varð ellefu ára í gær.
Hún var vakin með afmælissöng, fékk gjafir og fór í skólann og á fimleikaæfingu um kvöldið þar sem hún var tolleruð eins og hefð er hjá Gerplu.
Afmælisbarnið á okkar heimili fær að velja veitingastað kvöldsins og Inga María valdi sushi - valið stóð á milli sushi og að fara á ítalskan stað.
Við enduðum á Sushismiðjunni sem er lítill staður við höfnina og fengum þar helling af sushi
Klukkan fjögur í gær var athöfn í Hörpu þar sem Kolla fékk viðurkenningu á degi íslenskrar tungu. Hún var ein þriggja nemenda úr Ölduselsskóla og fékk viðurkenninguna "fyrir mikinn áhuga á bókum og lestri og ríkan orðaforða". Vigdís Finnbogadóttir afhenti viðurkenninguna.
Athugasemdir
Rebekka - 17/11/12 16:39 #
Til hamingju með dæturnar!