Ég varð fertugur í dag.

Ég ætla ekki að halda sérstaklega upp á þennan stóráfanga. Er eldhús- og stofulaus um þessar mundir og á ekki gott með að taka á móti gestum. Dunda mér í tölvunni, skoða afmæliskveðjur á Facebook (takk fyrir þær), búinn að stilla upp Fantasy liðinu^* og horfi á leik Liverpool og Everton á eftir. Fer í tveggja ára afmæli Birtu Maríu í dag og í kvöld ætlum við út að borða á Austur-Indíafjelaginu. Ég ætla að fá mér bæði hvítvín og bjór.

Í staðin fyrir að halda upp á fertugsafmæli ætla ég að hafa smá veislu í vor þegar ég útskrifast úr meistaranámi. Þá mun ég eiga bæði eldhús og stofu og svo verður líka örlítið minna skammdegi þá.

^* Fyrir þessa umferð var ég efstur á Íslandi og í 15. sæti í heiminum.