Ég elska aðferðafræði samsærissinna. Nú koma fréttir um að einhverjir Saudi Arabar hafi fjármagnað og stutt hryðjuverkamennina á bak við árásirnar á Tvíburaturnana og að stjórnvöld í BNA hafi vitað af því (eftirá).

Þetta er augljóslega samsæri, sérstaklega tengingin við yfirvöldin.

Þá koma sumir samsærissinnar fram og bauna á þá sem hafa gagnrýnt samsæriskenningar um þessa atburði: "Sko, sjáið hvað þetta voru mikli vitleysingar, víst var samsæri í gangi".

EN. Þessar fréttir styðja allt sem ég og fleiri hafa verið að segja. Atburðirnir voru framkvæmdir af hópi einstaklinga sem rændu flugvélum og flugu þeim á byggingar sem svo hrundu. Samsæriskenningarnir hafa gengið út á að afneita þessu.

M.ö.o. þá hnekkja þessar nýjustu fréttir stórum hluta af kenningum samsærissinna en samt hreykja þeir sér af því að hafa alltaf séð samærið, ólíkt okkur vitleysingunum sem andmæltu þeim.

Og svona "vinna" samsærissinnar. Þeir breyta alltaf leikreglunum í miðjum leik.

Það er svosem allt í lagi, þetta er eiginlega bara fyndið :-)