88kg slétt á vigtinni í World Class eftir æfingu í morgun. Spikið er að bráðna af mér í góða veðrinu þessa dagana. Ég skellti mér á æfingu með Henson í gærkvöldi og átti ágætis dag. Var nú þokkalega latur í vörninni en bætti það upp með glæsilegum sóknartilburðum :)

Ætlaði svo að sofa frameftir í morgun (ákvað það þegar klukkan hringdi 6:15) en fór samt á fætur um sjö þar sem Kolla og Inga María voru þá glaðvaknaðar. Leyfði Gyðu að kúra aðeins lengur, en hún fær ekki mjög mikinn svefn þessa dagana. Horfði á leik Brasilíu og Kosta Ríka, staðan var 3-1 þegar ég kom til leiks en í upphafi seinni hálfleiks minnkuðu Kosta Ríka menn muninn í 3-2. þá leit út fyrir að leikurinn yrði spennandi en Brassarnir skelltu inn 2 mörkum í viðbót og gerðu út um leikinn.

Hjólaði í World Class rétt fyrir níu, lyfti þar í hálftíma, skellti mér í sturtu og var mættur til vinnu fimm mínútum fyrir tíu.

Rölti svo yfir götuna áðan í klippingu. Gyða bannaði mér að láta snoða mig :) en ég lét klippa eins nálægt því og hægt er...