Spilaði með HENSON á móti FC CCCP áðan bikarleik á gervigrasinu í Laugardal. Leikurinn fór ekki vel, endaði 3-1 fyrir FC CCCP sem spiluðu ágætlega. Það má segja að munurinn á liðunum hafi falist í nýtingu á færum, enda klúðraði HENSON tveimur vítaspyrnum í fyrri hálfleik.

FC CCCP komst yfir um miðjan fyrri hálfleik eftir hræðileg varnarmistök hjá HENSON, en varnaðurmaður gaf mjög slæma sendingu aftur sem CCCP-arar nýttur sér.

Síðar í fyrri hálfleik fengu HENSON tvö víti, annað fyrir hendi en hitt fyrir brot inni í teig. Hvoru tveggja voru strangir dómar en ekki rangir. Báðar vítaspyrnunar fór forgörðum, skotið framhjá. Það gengur náttúrulega ekki að klúðra tveimur vítum í svona leik.

Í síðari hálfleik pressaði HENSON en skapaði ekki nein markverð færi, CCCP nýtti sér skyndisóknir og skoraði tvö mörk á síðustu 10 mínútunum. HENSON minnkaði svo muninn þegar fimm mínútur voru eftir.

Ég spilaði síðustu 20 mínúturnar af leiknum, stóð mig ágætlega held ég. Tókst að næla mér í smá skræmu á hnéð. Stelpurnar mínar eru eitthvað að spá í að banna mér að spila fótbolta eftir að þær sáu sárið :)