Rafmagnslaust á morgun - uppsetning á linux
Rafmagnið verður tekið af CCP á morgun, verið að leggja nýjar rafmagnsleiðslur í götuna. Þetta veldur því meðal annars að við neyðumst til að taka okkur frí á morgun! Skrítinn laugardagur það.
Grillveisla og fyllerí í höfuðstöðvunum í kvöld í tilefni þess. Ég segi pass í þetta skiptið.
Annað og verra mál er að sökum rafmagnsleysis mun þessi litli server liggja niðri en hann er búinn að keyra í 175 daga án þess að hiksta.
Enn hef ég ekki lagað stillingar á vélinni þannig að hún komist almennilega upp sjálfkrafa. Hef nefnilega ennþá lært jafn lítið á linux og ég kemst upp með. Það sem ég þarf að gera er að bæta eftirfarandi í startup script:
- Starta ssl
- Setja inn default route
- Starta mysql - skiptir samt ekki öllu máli þar sem það er bara notað þegar ég set færslur inn í dagbókina
- Setja upp eldvegginn - keyra firewall scriptið mitt
Ég leitaði á sínum tíma að leiðbeiningum um hvernig ætti að gera þetta í redhad7.2 en fann bara leiðbeiningar sem miðuðu við gluggaviðmótið. Ef ég vildi gluggaviðmót á serverdrusluna mína hefði ég bara skellt NT á hana ;-) Það eina sem mig vantar að vita er í hvaða skrám ég á að fikta.
Er satt að segja ekki alveg nógu ánægður með þær leiðbeiningar sem ég hef fundið hingað til.
Semsagt, annað kvöld þarf ég að koma hér við og sparka servernum í gang aftur.
Oddur Snær - 04/04/03 14:39 #
keyrðu upp ntsysv og kveiktu þar á mysqld servisinu, þar geturu einnig slökkt og kveikt á þeim servisum sem þú vilt að vélin kveiki á í startupi.
Matti Á. - 04/04/03 14:54 #
Kærar þakkir, þetta handhæga tól hafði ég aldrei heyrt um áður. Eflaust segir það meira um það hve lítið ég hef leitað en það er nú annað mál :-)
Jæja, mysql mun nú starta ssh var inni fyrir, ég held að default host komi rétt upp eftir að ég setti inn vísun í rc.local. Þá er bara spurning um eldvegginn, held ég hafi náð að setja það upp með webmin um daginn þannig að hann eigi að koma aftur upp í ræsingu. En vélin verður a.m.k. ekki mjög lengi uppi án eldveggs og ég keyri engar óþarfa þjónustur. Spurning um að ég slökkvi á wu-ftp þar til ég er viss um að eldveggur virki.