Samkvæmt boltafréttum dagsins mun Harry Kewell skrifa undir samning við Liverpool á næstu dögum.

Ég þoli ekki þetta ástand þegar sífellt er verið að orða hina og þess leikmenn við liðið, ég vil bara sjá menn brosandi í Liverpool treyjunni á Anfield með undirritaðan samning í höndum. Ég vona að þetta gangi í gegn, Kewell er magnaður leikmaður. Hann hefur reyndar verið dáldið gjarn á að meiðast held ég, en það er ekki deilt um að hann er einhver besti sókndjarfi leikmaður deildarinnar. Það var eftirminnilegt að sjá hann leika sér að vörn Enska landsliðsins þegar England og Ástralía mættust í landsleik fyrir stuttu.

Æi vonandi gengur þetta í gegn. Ég held að ef Finnan og Kewell bætast í hópinn muni það styrkja Liverpool til muna. Sókndjarfur hægri bakvörður og sókndjarfur miðjumaður. Fjandakornið, ég held ég verði bara bjartsýnn á næsta tímabil ef þetta gengur eftir.