Um daginn rakst ég á lista yfir hluti sem forritarar ættu að læra til að halda sér við. Að sjálfsögðu týndi ég síðunni og hef ekki fundið hana aftur. Yrði þakklátur ef einhver veit um hvað ég er að tala og gæti vísað mér veginn.

Ég hef alltaf haft gaman af því að grúska og læra eitthvað nýtt og ætla mér að vera sérstaklega duglegur við það næstu mánuði. Hér er semsagt minn listi yfir það sem ég ætla mér að læra (betur) á næstunni.

• .Net Ég hef kíkt á það af og til en ætla að kíkja aðeins betur á það núna. Læra C# og skrifa nokkur lítil forrit. Hef aðeins verið að grúska í þessu síðustu daga.
• XML. Þarf að setja mig betur inn í XML, veit út á hvað það gengur, hef lesið dáldið um það en þarf að prófa að nota það í einhverjum verkefnum. Skilgreina eigin XML skjöl og forrit sem vinna með þau, python hentar víst mjög vel til að vinna með XML skjöl
• Regular expressions. Gríðarlega öflugt verkfæri og nauðsynlegt að kunna þokkalega á þetta. Fínn stuðningur í Python.
• Linux. Ég hef grúskað dáldið í linux í kringum reksturinn á þessum server. Er mellufær í vi og get bjargað mér í flestu með hjálp google. Þarf að læra meira.
• wxPython. Hef grúskað örlítið í þessu, ætla að kynna mér þetta betur og skrifa eitthvað alvöru forrit. Þetta er mjög skemmtilegt framework.

Svo þarf maður að vera duglegur við að viðhalda þeirra þekkingu sem maður hefur, ef maður notar hana ekkert er hætt við að maður ryðgi.

Dettur ykkur fleira í hug?