Köln - Liverpool
Ég og Regin kíktum á Players í kvöld og sáum fyrsta æfingaleik Liverpool á þessu tímabili.
Liverpool notaði 21 leikmann í þessum leik, allir spiluðu 45 mínútur nema Igor Biscan sem spilaði allan leikinn. Í fyrra var Diomede eini maðurinn sem spilaði allar 90 mínúturnar í fyrsta æfingaleiknum. Houllier er væntanlega að auglýsa Biscan!
Fyrri hálfleikur var nokkuð góður, Liverpool voru sprækir og gerðu ágætis hluti í sókninni, með smá heppni hefðu þeir getað skorað 2-3 mörk í viðbót.
Í seinni hálfleik kom sterkara
Liverpool lið inn á völlinn, a.m.k. svona á pappírunum. Harry Kewell spilaði þarna í fyrsta sinn með Liverpool og snerti boltann í fyrsta sinn á miðjunni, fékk boltann en gaf hann til baka (ójá, ég man eftir því þegar Harry Kewell snerti boltann fyrst í leik með Liverpool :-P)
Seinni hálfleikur var reyndar ekki jafn skemmtilegur og sá fyrri en þessir æfingaleikir eru nú yfirleitt ekki mjög mikið fyrir augað, maður horfir á þá til að sjá nýjustu leikmennina. Ég var reyndar dáldið svekktur að ungu frakkarnir skyldu ekkert spila í dag en þeir eru víst ekki komnir með atvinnuleyfi.
Ég pantaði mér kjúklingasamloku á Players, hún var viðbjóður. Regin pantaði sér pizzu með pepperoni og beið í 45 mínútur eftir henni. Pöntunin hefur vafalaust tapast. Regin var samt sáttur með pizzuna þegar hann fékk hana loks.
Matti - 17/07/03 11:32 #
Það er alltaf jafn fínt að kíkja á pöbb og sjá Liverpool leik. A.m.k. þrælfín afsökun til að fá sér einn bjór. Ég er líka alltaf dáldið spenntur fyrir fyrsta æfingaleik Liverpool, í fyrra keypti ég áskrift af fjölvarpinu til að sjá fyrsta æfingaleikinn, Diouf skoraði þá helvíti fínt mark með skalla man ég. Það er ekki laust við að það sé kominn fiðringur í mig, ég hlakka til að horfa á boltann í vetur.