Fín æfing á gervigrasinu í Laugardal í kvöld, fimmtán mættir - langt síðan mætingin hefur verið svona góð. Ég gat ekki rassgat en fékk þó ágætis hreyfingu út úr þessu. Í gærkvöldi slysaðist ég til að spila fótbolta, var að hita upp á hlaupabretti í Sporthúsinu þegar gaur vatt sér að mér og spurði mig hvort ég væri til í að spila með þeim þar sem það vantaði áttunda mann. Annað kvöld er svo innibolti með hóp úr Landsbankanum og á laugardag innibolti með nokkrum vitleysingum! Þarf að skjótast í ræktina á föstudag og lyfta, hef varla tíma til þess þegar fótboltaprógrammið er svona stíft.

Liverpool voru að spila við Wolves í kvöld og misstu leikinn niður í 1-1 jafntefli þegar venjulegur leiktími var liðinn, hvaða rugl er það? Wolves, látum lið eins og Man United sjá um að tapa stigum á móti svoleiðis liðum. Æi, við fórum þó upp fyrir Newcastle en ættum, ef Liverpool gæti eitthvað, að hafa unnið síðustu tvo leiki og vera í ágætri stöðu í fjórða sæti.

25.-28. mars ætlum við hjónin að skella okkur til London með Badda og Sirrý. Stefnan var tekin á að ég og Baddi myndum sjá Liverpool spila á móti Leicester á Laugardeginum en mér skylst að líklegt sé að leikurinn fari fram á Sunnudegi, ef svo er náum við honum varla. Það kemur í raun ekki í ljós fyrr en í mars hvort við förum á völlinn.

Í apríl er stefnan tekin á Old Trafford að sjá Liverpool leggja United að velli. Það er ekki komið á hreint hverjir fara á leikinn en ég gruna að einhverjir muni ekki tíma að fara.