Er það ekki rétt munað hjá mér að fyrir skömmu hafi ungur strákur fyrir austan orðið fyrir voðaskoti?

Þetta atvik á Selfossi er hrikalegt - einhvern vegin dettur manni ekki í hug að svona lagað gerist hér á landi. Samt gerist þetta. Óskráð byssa - hlaðin. Er ekki allt í lagi með fólk? Þarf virkilega að segja fólki að geyma ekki byssur og skotfæri þar sem börn geta náð til? Auðvita eru börn ráðagóð en þá þarf maður einfaldlega að leggja meira á sig. Klámmyndirnar felur maður upp í skáp þar sem skaðinn er ekki svo mikill ef þær finnast, en byssur læsir maður inni og skotfæri geymir maður einfaldlega ekki heima hjá sér.

Sem betur fer er ástandið hér á landi þannig að fyrstu fréttir af þessum atburði fjölluðu um þetta sem voðaskot en ekki morð. Sem betur fer segi ég vegna þess að hinn möguleikinn er ennþá svo fjarlægur, ekki raunverulegur og verður það vonandi aldrei.

Samt hafa börn myrt börn á Íslandi, sbr. atvik á Akureyri fyrir nokkrum árum.