Heitar umræður um trúmál
Það mátti búast við heitum umræðum um vantrúargreinina sem ég vísaði á í gær.
Séra Svavar A. Jónsson prestur í Akureyrarkirkju steig svo á svið í nótt og talar um "sorgleg skrif og á lágu plani" og að þarna sé "mannfyrirlitning" á ferðinni. Ég las pistilinn yfir því ég var ekki viss um hvað hann var að meina, er það ekki enn. Merkilegt hvað það er auðvelt að svara með því að saka andstæðinginn um mannfyrirlitningu og hatur.
Séra Skúli skrifar um skírn og skírnarvotta. Þar stefnir í áhugaverða umræðu, sjáum til hvort þær verða heitar :-)
Birgir Baldursson - 05/05/04 11:58 #
Já, taktu eftir því hvað málflutningur prestanna Skúla og Svavars er ólíkur. Skúli vindur sér beint í að ræða málefnalega það sem til umræðu er, en Svavar notar hina gamalkunnu aðferð að láta sér sárna, gera mönnum upp skoðanir (og innræti) og taka fókusinn af málefnunum.
Það mættu fleiri prestar vera eins og Skúli.
Óli Gneisti - 05/05/04 15:30 #
Það er annað sem gæti komið inn í þetta, Skúli er augljóslega í frjálslyndari kantinum en ég hef Svavar grunaðan um að vera með þeim "svörtu", allavega miðað við greinaskrif hans.