Meðan flestir borgarbúar lágu í sólbaði skelltum við okkur með stelpurnar í bíó að sjá Shrek 2 enda búin að fá nóg af sól undanfarið. Skemmtum okkur öll vel, foreldrarnir ekkert síður en þær yngri.

Til lítils að fjalla ítarlega um myndina, vísanir í hin ýmsu barnaævintýri og kvikmyndir eru stórskemmtileg og söguþráðurinn ágætur.

Ég virtist vera eini maðurinn í bíó sem las umsögnina um myndina í blaðinu í dag því allir aðrir ruku úr salnum um leið og kreditlistinn birtist og misstu því af lokaatriðinu.