Eitthvað undarlegt að gerast í maganum á mér, rokrassgat væri ágætt orð um sitjandann þessa stundina. Sniðugt þetta opna vinnurými!

Liverpool mætir Deportivo í kvöld. Ég hef voðalega lítið spáð í leiknum, var of mikið að pæla í kosningunum. Drullusvekktur þó Erna segi að þetta sé ekki búið, ég held þetta sé búið.

Hef engar væntingar fyrir kvöldið, Deportivo hafa ekki vera að gera merkilega hluti á þessu tímabili og voru heppnir að steinliggja ekki á Anfield um daginn. Munu væntanlega ekki liggja til baka í leiknum í kvöld og þá getur allt gerst. Auðvitað er slæmt að missa Cisse en vonandi mæta menn með réttu hugarfari. Ætli Baros setji ekki bara þrennu.

Spilaði fótbolta í Garðabænum í gærkvöldi. Fínar aðstæður. Mættum reyndar ekki nema níu á æfingu en buðum strákum sem voru að spila á gamla gervigrasinu að vera með okkur. Tókum því þokkalega æfingu, níu á móti tíu á hálfum velli. Fínn bolti. Í kvöld er það svo bolti í Fífunni. Merkilegt annars hvað það er gaman að spila fótbolta, er alltaf jafn hissa þegar maður þarf að draga menn í boltann. Það þarf mikið að gerast til að ég sleppi bolta.

En það gerist væntanlega næsta laugardag.