Fór á Apótek í gærkvöldi og hitti nokkra Vantrúarseggi [1, 2, 3, 4, 5, 6, 7 og Jón Magnús blogglausi!], gvuðlöstuðum hressilega og sötruðum öl. Ég fékk mér túnfisk með sætri kartöflu, afar gott. Fór svo á pöbbarölt með Bigga, Hjalta og Jóni Magnúsi. Gummi vinur Bigga bættist svo í hópinn og var skrafað um margt áhugavert næstu tímana, fyrst og fremst trúmál og siðfræði. Afar hressandi í alla staði.

Á næsta bar rakst ég á hálfbróður minn sem var að djamma með vinkonum sínum. Ég endaði á að fara með þeim á Hverfisbarinn þar sem við vorum fram að lokun. Röltum svo smá hópur í leit að einhverjum opnum stað en ég gafst upp enda klukkan orðin sex um morgun.

Þokkalega þunnur í dag en hresstist verulega við inniboltann. Er með brjóstsviða en það gerir lítið til.

Er að fara í matarboð á eftir og gæti slysast til að sötra öl.