Endaði í sjötta sæti í svipbrigðakeppninni. Er nokkuð sáttur, átti ekki von á miklu í þessari keppni.

Ég varð nokkuð hissa á þessum úrslitum, gaf sigurmyndinni næst hæstu einkunn, fannst hún flott en er orðinn dáldið þreyttur á þessari hugmynd (svarthvítt andlit, augu í lit), en sú sem mér fannst langbest endaði í 11. sæti. Finnst sú mynd mjög flott, mjög sterkt svipbrigði sýnt á afar einfaldan hátt. Myndin í sætinu fyrir ofan mig fannst mér ekkert sérstök.

Myndin af Ingu Maríu varð til fyrir algjöra tilviljun, við höfðum verið að taka myndir í sófanum og ég var með myndavélina hjá mér þegar Inga María varð eitthvað ósatt við Kollu útaf engu sem skiptir máli. Hún fór í fang móður sinnar og grét en pabbi hennar tók bara myndir.

Talandi um það, á sama tíma og úrslit urðu ljós í svipbrigðakeppninni heyrðum við grát uppi. Inga María hafði vaknaði og farið inn á bað, fór þar upp á baðvogina og pissaði heil ósköp. Svipurinn ekki ólíkur þeim sem er á þessari mynd. Það er óskaplega óþægilegt að vakna við þetta.

Ég tók þátt í næstu keppni, þemað þar er tækifæri. Sýnist ég bara vera með nokkuð góða mynd þar, ótrúlega margar myndir í þeirri keppni sem ekki tengjast þemanu. Er samt ekkert alltof bjartsýnn frekar en fyrri daginn :-|