Gullkorn í fótboltalýsingu
Ég er að horfa á Arsenal - Chelsea. Kafnaði næstum á lagtertunni þegar þulurinn sagði:
"Það er óvanalegt að sjá Joe Cole kveinka sér, hann hlýtur að hafa haft ástæðu til"
Eru þessir þulir að horfa á enska boltann í fyrsta skipti? Óvanalegt að sjá Jole Cole kveinka sér! Fjandakornið, þessi Chelsea aðdáun er komin út í öfgar. Joe Cole er einn allra versti leikarinn í enska boltanum. Fáir hafa rúllað jafn marga hringi og þessi drengur á knattspyrnuvöllum englands. Ég skil vel að dómarinn hafi ekki kippt sér upp við það þó Joe Cole hafi hrunið niður, jafnvel þó hann hafi aðeins fengið á lúðurinn í þetta skipti.
Kristján Atli - 19/12/05 01:57 #
Ég átti samtal í gær við Chelsea-aðdáanda sem var að pirra sig yfir því að Höddi Magg - Liverpool-aðdáandi - hafi fengið að lýsa úrslitaleik Liverpool og Sao Paulo í Heimsmeistarakeppni félagsliða.
Hann vildi ekkert kannast við það að Willum Þór sé búinn að styðja Chelsea í mörg, mörg ár ...
Svona er þetta bara. Við kvörtum ekki yfir að Höddi Magg dæmi Liverpool-leiki, enda Púllarar sjálfir, en erum svo brjálaðir á hinn veginn.
Að því sögðu, þá er það skýrt merki um yfirvofandi blindu að halda því fram að Joe Cole sé ekki gjarn á að láta sig detta ...
Matti - 19/12/05 11:08 #
Ég heyrði ekki í Hödda Magg þar sem ég horfði á leikinn ruglaðan á Sýn :-) En vissulega fer það ekki framhjá neinum að hann heldur með Liverpool.
Aftur á móti var svakalegt að hlusta á Manchester United - Wigan um daginn. Það voru menn svo augljóslega svekktir þegar eitthvað gekk ekki hjá United að það var alveg kostulegt.
Ég kann orðið miklu betur við að hlusta á lýsingarnar á ensku. Fagna því þegar Liverpool leikur dagsins er ekki aðalleikur, sem gerist sjaldan.