Jóna Dóra og Óttar gáfu okkur pastavél í jólagjöf og nú er ég að reyna mig áfram í pastagerð, frumraun mín er í vinnslu.

Þetta byrjaði reyndar ekkert alltof vel, hveitifjallið hélt ekki eggjunum og mér fannst deigið alltof þurrt. Byrjaði aftur frá grunni og þá gekk þetta betur. Ég var bara of stressaður í fyrstu tilraun og hefði vel getað bjargað því. Þarf að gera pasta nokkrum sinnum til að ná tökum á því. Mér finnst afar gaman að rúlla pastanum í gegnum vélina.

Er núna að bíða í klukkustund meðan tagliatelle þornar á stólbaki, skelli því svo í pott á eftir og sýð í örskamma stund. Ber fram með einhverju einföldu, pestó eða túnfisksósu.