Í Morgunblaðinu í dag er sagt frá því á baksíðu að um þessar mundir gangi vel að selja íslenskar landbúnaðarafurðir í Bandaríkjunum. Haft er eftir Baldvin Jónssyni að eftirspurn sé það mikil að nú sé skortur á afurðum frá Íslandi.

Að sjálfsögðu eru það ánægjulegar fréttir ef vel gengur að selja íslenskar landbúnaðarafturðir og íslenskan fisk á erlendum mörkuðum. En vantar ekki eitthvað í þessa umfjöllun Morgunblaðsins, bæði á netinu og baksíðu sunnudagsblaðsins? Jú, það er ekkert fjallað um verðið sem fæst fyrir afurðirnar. Málið er nefnilega að lengi vel hafa íslenskir bændur verið að borga með þeim vörum sem seldar eru á erlenda markaði. Hvað eru bandarískir kaupendur að greiða? Borga þeir jafnvel minna en íslenskir neytendur þrátt fyrir að vera dálítið lengra frá haganum. það skyldi þó aldrei vera.

Ég keypti tvær meðalstórar sneiðar af íslensku nautakjöti í gærkvöldi og borgaði rúmar tvöþúsund krónur. Ætli það væri hægt að flytja nautakjötið út?

• Mbl.is - Á annað tonn af skyri til Bandaríkjanna í hverri viku