Það var ansi stíf dagskrá seinnipart dagsins á þessu heimili. Ég sótti Kollu í frístundastarfið klukkan fjögur og skutlaði henni í ballet. Hef oft gert betri snúð, klúðraði honum eiginlega algerlega í dag.

Næst brunaði ég heim, sótti fótboltaföt fyrir Ingu Maríu og eyddi töluverðum tíma í að finna skó. Fór svo á leikskólann og sótt hana, hafði ekki tíma til að spjalla við Kidda á leiðinni út (sorry Kiddi :-) ) því við þurftum að ná í Smárann fyrir fimm.

Þar kíkti Inga María á fótboltaæfingu í fyrsta skipti. Inga María vann stórfiskaleikinn og skemmti sér vel til að byrja með þrátt fyrir að á svæðinu væri hálftrylltur jafnaldri hennar (í alvöru, strákurinn var bilaður!). En þegar æfingar var rétt rúmlega hálfnuð vildi hún ekki meira og við yfirgáfum svæðið.

Gyða sótti Kollu í ballet og verslaði afmælisgjöf í Mjódd á sama tíma og ég og Inga María skutumst heim. Fjölskyldan stoppaði svo öll heima í smá stund til að punta sig (réttara sagt, stelpurnar puntuðu sig) og svo var brunað í Mosfellsbæ, til foreldra minna, en móðir mín á afmæli í dag og bauð til veislu. Nýja heimilið hentar vel til veisluhalda.

Ég fór seint að sofa í gær eins og sést á tímasetningu síðustu dagbókarfærslu, er dálítið lúinn.