Ég var hitalaus í hádeginu, frekar kaldur ef eitthvað en Inga María er með einhverjar fáar kommur. Hinar stelpurnar skelltu sér í kaffi á Arnarnesi en við tvö erum heima.

Nóttin var ótrúlega góð hjá mér samanborið við síðustu nætur, en Inga María svaf ekki vel, hóstaði nokkuð og grét stundum.

Við tókum myndir af okkur áðan, eins og sést greiddi ég mér sérstaklega af þessu tilefni. Þetta er ástæða þess að ég snoða mig. Tja, ein ástæða þess. Ég sakna þess dálítið að eiga ekki þráðlausa fjarstýringu á D200, þessi litla sem virkar með D70 er snilld. En ég nota þá bara snúruna.

Ég horfi á fótbolta, Fulham sækir og sækir á móti United en þetta endar örugglega með því að United potar inn marki í lokin.