Við skelltum okkur í Hafnafjörðinn fyrir hádegi og sáum leiksýningu í Hellisgerði, Ásthildur lék í Dýrin í Hálsaskógi ásamt hópi krakka á leiklistarnámskeiði. Afskaplega skemmtilegt að setja þetta svona á svið í garðinum.

Við hittum yngsta ættingjann sem kom í heiminn meðan við vorum í Frakklandi. Hann er búinn að fá nafn og heitir Greipur Ásmundarson. Kíktum í kaffi á Hverfisgötunni (hfj) og sátum þar í góðan tíma.

Skelltum okkur í IKEA til að versla kodda handa Kollu og mottu á baðherbergið. Fórum út með tvo troðfulla stóra poka og greiddum fyrir rúmlega þrettán þúsund krónur. Það er alltaf hægt að grípa eitthvað meira í IKEA. Kolla er ánægð með koddann sinn.

Skiluðum lyklunum að íbúðinni í París og versluðum svo í Hagkaup. Jóna Dóra sagði mér að hún lenti líka í 365 miðlum í vikunni. Þau keyptu stakan mánuð í júní en fyrirtækið ætlaði sko að láta þau kaupa meira! Ég hvatti hana til að skila myndlyklinum.