Veikindi

Inga María er veik. Kvartaði undan hausverk í gærmorgun en faðir hennar fór samt með hana í skólann. Seinna um daginn sótti Gyða hana, þá var hún enn með hausverk og komin með góðan hita. Faðir hennar hafði ekki einu sinni mælt hana um morguninn. Seinnipartinn í gær var faðir Ingu Maríu með móral.

Hún var skárri í gærkvöldi og hitinn hafði gengið niður en í morgun var hitinn búinn að rjúka upp. Nú liggur hún í sófanum og er við það að sofna. Fékk verkjalyf í morgun en kvartaði enn undan hausverk nokkru síðar.