Í fyrradag keypti ég óskaplega fallega basilíku í Nóatún þrátt fyrir að hún hentaði ekki með kvöldmatnum. Fann mig knúinn til að kaupa hana því ég sé svo sjaldan fallega basilíku í búðum hér á landi. Í gærkvöldi var því einfaldur kvöldmatur, spagettí með pestó. Pestó er ekki það sama og pestó, sérstaklega erum við lítið hrifin af Hagkaupspestóinu sem hefur einstaklega leiðinlega áferð, er alltof þétt, nánast eins og leir.
Fletti upp í bókunum mínum og notaði svo uppskrift að pestói að hætti Genóvabúa.
Basilíka, hvítlaukur, hnetur, olía og salt í matvinnsluvél. Maukað í tætlur. Sett í skál, osturinn rifinn saman við, smá smjör hrært útí og ef þörf er á, þá bætt við smá vatni út pastapottinum. Hrært saman við spagettí. Skelfilega gott. Magn af hnetum, hvítlauk og parmesan fer eftir smekk - ég hef þá kenningu að það sé aldrei hægt að nota of mikið af hvítlauk eða parmesan!
Algjörlega ótengt fallegum basilikum, en þessi grein, 9 most badass bible verses, er hrikalega fyndin:
http://www.cracked.com/article_15699_9-most-badass-bible-verses.html
Mmmm... hljómar vel, sörveraru þetta sem aðalrétt eða á undan aðalrétti?
Þetta var aðalréttur með hvítlauksbrauði.
Væri tilvalinn primo piatto eða fyrsti réttur í alvöru ítalskri máltíð.
|
www.flickr.com
|
