Að fenginni reynslu tek ég öllum fréttum af þessu stríði með miklum fyrirvara. Áróður er stór hluti af nútíma stríði og því er erfitt að vita hverju maður á að treysta.

Svo virðist sem Georgíumenn hafi framið ódæðisverk með sprengjuárásum á óbreytta borgara í Suður-Ossetíu. Sumir vestrænir fjölmiðlar gera Rússana að árásaraðilum, aðrir sýna þá í svipuðu ljósi og Nató í Júgóslavíu - mætta til að stöðva fjöldamorð. Ég get ekki séð að "við" (Ísland, Evrópa, Nató,...) séum í liði með nokkrum í þessum átökum.

Ég vona bara að þetta standi ekki lengi og les fréttir með fyrirvara. Umræður á digg og reddit eru ágætar því í athugasemdum koma yfirleitt vísanir á ólíkar umfjallanir.