Pestó frá Genóva
Ég átti ferska basiliku í ísskápnum og bjó því til heimalagað pestó í gærkvöldi. Þetta er ósköp lítið mál en alveg óskaplega gott - á frekar lítið skylt með gumsinum sem selt er í dósum í kjörbúðum.
- 60gr fersk basilikulauf (tveir plastbakkar)
- 2 msk furuhnetur
- 2 hvítlauksrif
- 125ml ólívu olía
- 4 msk parmesan ostur
- salt
- smjör
Magn er bara til viðmiðunar, mér finnst t.d. alltaf í lagi að setja meiri hvítlauk. Basilika, hnetur, hvítlaukur, olía og salt sett í matvinnsluvél og maukað. Skellið maukinu svo í skál og hrærið parmesan osti og smjörklípu saman við. Ef þið eruð að sjóða spagettí er gott að setja smá vatn úr pottinum saman við.
Pestó er svo hrært saman við spagettí eða smurt ofan á brauð. Alveg óskaplega gott.
Kalli - 16/11/08 10:53 #
Ég er nánast á leið út í kjörbúð, eftir að lesa þetta, til að ná í hráefni í pesto.
Ég er samt forvitinn með smjörklípuna. Er hún standard í pestógerð?
Matti - 16/11/08 12:33 #
Nei, ég held að smjörklípan sé ekki hefðbundin. Þessa uppskrift hef ég þó úr bók um ítalska matargerð. Mér finnst fínt að hafa smjörklípuna með.
