Fjandans ferðatölvan
Fjandans ferðatölvan ræsir ekki, býður í staðin upp á bláskjá og skilaboðin UNMOUNTABLE_BOOT_VOLUME. Einhverntímann átti ég geisladisk sem ég gat ræst með og keyrt upp tól til að yfirfara allan vélbúnað tölvunnar en ég finn hann ekki núna. Vonandi er ég með eintak í vinnunni. Ræsti áðan Ubuntu 8.10 af geisladiski en skjárinn var í rugli þannig að ekki gat ég notað það.
Ég sem þarf einmitt að tölvast í kvöld. Verð að láta borðtölvuna duga (fuss).
Óli Gneisti - 13/01/09 08:08 #
Mig rámar í að ég hafi fengið disk frá þér einhverju sinni, er ekki viss hvort ég hafi skilað honum. Ég skal kíkja þegar ég kem heim.
hildigunnur - 13/01/09 08:54 #
hehe, hér á bæ er slegist um borðtölvuna, enda er hún langöflugasta vélin í húsinu (við erum með 4 + plús svo leikjatölvuna)
Vonandi nærðu að flikka upp á kvikindið, annars.