Horfði á Goal í sjónvarpinu í kvöld.

Mér finnst svipað að horfa á kvikmyndir um fótbolta og bíómyndir sem fjalla um tölvur á einhvern máta. Þegar maður þekkir umfjöllunarefnið er stundum skelfilegt að fylgjast með hvernig því er klúðrað.

Í upphafi myndarinnar var nauðsynlegt að koma því á framfæri að aðalhetjan hefði óhefðbundnar hreyfingar á velli, ekki rétta líkamsstöðu og þessháttar. Enda var augljóst að leikarinn hafði ekkert á knattspyrnuvöll að gera, kunni ekkert í fótbolta. Spyrnutæknin skelfileg og allt eftir því, klippingar og brellur redduðu engu. Ég hef að auki ekki ímyndunaraflið til fyrir mér að Newcastle komIst í Meistaradeildina með því að vinna Liverpool í lokaleik mótsins :-)

Má ég frekar biðja um atriði með "tölvuhakkara" sem hamast á lyklaborðinu við að brjótast inn í tölvukerfi meðan byssu er beint að höfði hans og kvenmaður tottar á sama tíma. Það er álíka trúverðugt. Swordfish er tímalaus klassík!