Ofstæki og heilagar kýr
Einu sinni var fólk kallað talibanar því það spilaði bingó föstudaginn langa.
Nú er það víst dæmi um ofstæki (sjá fyrstu athugasemd) þegar skrifuð er frásögn um heimsfrægan leikstjóra og sjálfhverfa íhugun.
Í alvöru talað, lesið greinina. Hvaða ofstæki er maðurinn að tala um?
Nonni - 06/05/09 09:56 #
Kannski er hann að tala um ofstæki TM hreyfingarinnar. Sendu þeir ekki með honum commisar, til að passa að hann léti örugglega ekkert af viti út úr sér?
Nonni - 06/05/09 10:03 #
Þú ert bara lokaður fyrir þeirri hugmynd að fólk geti verið sammála þér.
Henrý Þór - 06/05/09 11:44 #
Þessi grein var svona frekar TL;DR fyrir mig, þar sem ég hef ekki sérstakan áhuga á Lynch eða hugleiðslutækninni sem hann iðkar.
Mér finnst það frekar jaðra við ofstæki hjá mönnum sem lesa allar greinar á vantru.is, þó þeir viti fyrirfram út frá titli eða efnistökum að þeir séu ósammála þeim eða bara áhugalausir um efnistökin, og þá væntanlega bara til að pirra sig á greinunum, höfundi, og vefnum.
Kristín í París - 06/05/09 12:46 #
Varstu búinn að sjá þetta: http://vimeo.com/4201441
Hólmfríður Pétursdóttir - 06/05/09 13:19 #
Sæll Matthías og þakka þér fyrir að bjóða mér hér inn á síuna þína.
Það hlaut að vera að þú værir tölvunörd. ég á tvo svoleiðis, dóttur og tengdason. Ég á nú alveg eins von á að ég haldi áfram að svara þér, ef ég rekst á þig á moggablogginu þar sem ég held mig mest.
Málið er nefnilega það að mér þykir svo undur vænt um kirkjuna mína og trúna tek ég mjög alvarlega.
Aftur á móti hef ég kennt almenna trúarbragðfræði í ótal ár og alltaf gert það eins hlutlaust og ég hef getað og sagt nemendurm mínum að þeir vilji fá mitt einkaálit verði þeir að biðja um það.
Það kvartaði aldrei nokkurt foreldri og allir nemendur fengu að sækja þessa tíma Vottar Jehóva jafnt og aðrir þó þeir sæki ekki kritinfræðitíma.
Ég er hætt að vinna og finnst því bara gaman að taka svona snerpur öðru hvoru. Hafðu það svo gott og njóttu fjölskyldu, áhugamála og vinnu.
kveðja, Hólmfríður.
PS til að sjá hvað sú gamla er skrítinn geturðu farið inn á bloggið mitt og séð þar gamlar myndir í leiðinni. http://holmfridurpetursdottir.blog.is
Matti - 06/05/09 13:45 #
Kristín, Vantrú vísaði (neðst í færslunni) einmitt á þetta á föstudagin. Afskaplega vandræðalegt.
Velkomin Hólmfríður (fyrir ykkur hin, þá bauð ég henni í heimsókn á bloggið mitt í athugasemd hjá séra Svavari)
Aftur á móti hef ég kennt almenna trúarbragðfræði í ótal ár og alltaf gert það eins hlutlaust og ég hef getað og sagt nemendurm mínum að þeir vilji fá mitt einkaálit verði þeir að biðja um það.
Á hvaða skólastigi hefur kennt almenna trúarbragðafræði?
Það kvartaði aldrei nokkurt foreldri og allir nemendur fengu að sækja þessa tíma Vottar Jehóva jafnt og aðrir þó þeir sæki ekki kritinfræðitíma.
Dætur mínar fara í kristinfræði þó mér þyki námsefnið þar oft skelfilegt kristniboð. Það er bara svo erfitt fyrir foreldra að taka börnin sín úr hefðbundnu starfi. Ég skrifaði einu sinni blaðagrein um það.
Hólmfríður Pétursdóttir - 06/05/09 13:59 #
Trúarbragðafræðina kenndi ég í 9.bekk grunnskóla og svo var ég með val í 10.bekk sum árin sem við kölluðum pælingar. Dætur mínar vöru líka hjá kennurum sem gerðu lítið úr kristinni trú, sem þú getur nærri að var mér ekki að skapi og notuðu tímana í allt annað en trúarbrögð. Sama má segja um pólitík, því um hana gildir það sama og trú kennsla á að vera hlutlaus. Ég er sammála þér að það er ekki gott að taka börn úr hefðbundnu starfi, þau þurfa þann grunn (hver sem hann er)heiman frá sér að kúrsinn réttist þar, hvað sem boðið er upp á af einstökum kennurum.
Matti - 06/05/09 14:36 #
Ég er afskaplega fylgjandi kennslu í trúarbragðafræðum í efstu bekkjum grunnskóla, jafnvel í framhaldsskólum.
Ég sé aftur á móti ekki þörfina fyrir kristinfræðikennslu í fyrstu bekkjum barnaskóla. Bæði er námsefni lélegt (en það er hægt að bæta) en auk þess tel ég krakkana einfaldlega ekki hafa forsendur í þetta nám fyrr en þó eru orðin aðeins eldri.
Hólmfríður Pétursdóttir - 06/05/09 22:13 #
Ég er bara nokkuð sammála þér. Í yngstu bekkjunum hefur kristinfræðin oft verið tengd stórhátíðunum. En samt gatar fólk (ekki allt) á spurningum um þær þegar á að bera saman hátíir í trúarbragðafræði. Það er mun auðveldara að iðka trú með þessum litlu í sunnudagaskóla, en að kenna um trú í skóla, enda hef ég aldrei viljað kenna kristinfræði. Reyndi það einn vetur og klúðraði því big time.
Eyja - 08/05/09 21:53 #
Jahérnahér. Ég var að horfa á myndbandið sem Kristín vísaði á. Á hverju er maðurinn???