Ég verð dálítið leiður ef Xabi Alonso fer til Real Madrid en ýmislegt virðist benda til að þau viðskipti séu að ganga í gegn. Að mínu mati var hann besti leikmaður Liverpool á síðasta tímabili og hefur verið afar mikilvægur síðustu ár.

Það kemur svosem maður í manns stað, en ég var að vonast til að Liverpool myndi halda kjarnanum í liðinu. Nú eru bara tvær vikur þar til tímabilið hefst og dálítið seint að fá nýjan miðjumann.

Ég hef reyndar trú á Lucas. Finnst margir ekki kunna að meta hans framlag. Gerrard á ekki heima á miðri miðjunni, hefur alltaf verið ofmetinn sem miðjumaður.