Það fór lítið fyrir því í síðustu viku að verið er að ráða nýjan prest í Kársnesprestakall. Athygli fjölmiðla beindist frekar að einhverjum ritstjóradruslum.

Það er eftirsótt að þjóna vesturbæ Kópavogs og fjórtán kragar sóttu um brauðið.

• Séra Ása Björk Ólafsdóttir
• Séra Eiríkur Jóhannsson
• Séra Guðrún Karlsdóttir
• Séra Gunnar Rúnar Matthíasson
• Séra Hólmgrímur Elís Bragason
• Séra Kjartan Jónsson
• Séra Magnús Erlingsson
• Séra Sigfús Kristjánsson
• Séra Sigrún Óskarsdóttir
• Séra Sigurður Arnarson
• Séra Sigurður Rúnar Ragnarsson
• Séra Yrsa Þórðardóttir
• Séra Þorvaldur Víðisson
• Séra Þórhildur Ólafs

Það segir sig sjálft að einungis einn getur fengið stöðuna og þá er spurt; hver fær djobbið?

Að sjálfsögðu verður tengdasonur biskups ráðinn. Sá sami og fékk stöðu prests í London fyrir nokkrum árum. Sú ráðning var frekar vafasöm og Hæstiréttur úrskurðaði að jafnréttislög hefðu verið brotin. Nú hefur valnefnd úrskurðað að tengdasonurinn sé hæfastur og Morgunblaðið lýsti því yfir að að hann hefði verið valinn. Það er því væntanlega formsatriði að ganga frá þessu.

Einhverjir halda því fram að aðrir umsækjendur hafi meiri reynslu og betri menntun en Sigurður Arnarson. Ég spyr, hvaða reynsla eða menntun jafnast á við að sitja í fjölskylduboðum með Karli sjálfum ?

Nei, það væri öfund (og hatur) að halda því fram að eitthvað sé athugavert við þessa ráðningu. Sigurður má ekki gjalda tengsla sinna við biskupinn.